ฝากกวีธรรมลำนำอีสานบ้างเด้อ

ตอบเมื่อ: 25 ต.ค.2007, 6:32 pm

สาธุเนอข้าขอก้มขาบไหว้ ประนบน้อมนาโถ
บูชาพุทโธธรรม พร่ำสงฆ์องค์แก้ว
ขอให้เป็นแถวถ้าน ผญาญาณตรัสส่อง
ขอให้เป็นป่องท้าง ทางแก้กล่าวคดีฯ
เทื่อนี้ข้าขอกล่าวแก้ แปลปั่นธัมโม
ขอให้วิณโญญาณ ส่องแสงแทงฮู้
อย่าให้มีแนวข้อง คาดดึงจ่อง
ขอให้ได้ดังมุ่ง มโนแม้งแม่นใจฯ
ขอให้มีเดชากล้า ผญายิ่งญาณยาว
ขอให้คราวไกล ก่อนลุนลือล้า
ขอให้เห็นธรรมแจ้ง แถลงไวเว้าคล่อง
อย่าได้มีที่ข้อง ความเว้ากล่าวไขฯ
บัดนี้ข้าจักแปลบั่นแก้ กาพย์กลอนขยายธรรม
แปลตามคำบูราณ กล่าวคำพอฮู้
แปลตามครูบาต้าน อาจารย์ได้สอนสั่ง
ตางให้มีวาทเว้า เมือหน้าต่อไปฯ
"มหาธีร์"นี่ยังน้อยสติลอยบ่ค่อยเคี่ยม
เจียมปากเจียมวาทไว้ยามสลั้งก็หากมี
ลางเทือโมโหหุ้มโมหังมาบังเบียด
ปากบ่สมวาทเว้าความนั้นกะอย่าถือฯ

ตอบเมื่อ: 31 ต.ค.2007, 2:57 pm

นโมมนัสน้อมศิรบังคมคุณ
พระไตรรัตน์หนุนส่องธรรมใจแจ้ง
คารวะน้อมมหาธีรภาพท่าน
กวีธรรมบ่อนนี้ยินดีน้อมรับสาร
เชิญจารจาต้านผญาธรรมสอนสั่ง
ประมวลธรรมส่องแจ้ง หนทางให้มนุสสา ท่านเอยฯ

ด้วยความเคารพ ครับท่านมหา

ตอบเมื่อ: 19 ส.ค. 2008, 8:51 pm

เจริญในธรรม เจ้าค่ะ พระคุณเจ้า สาธุ